Мюфке Карл Людвигович

1868 елның 30 гыйнвары (11 феврале), Воронеж шәһәре — 1933 елның 13 феврале, Саратов шәһәре.

1896 елда, төзелеш алып бару хокукына ия архитектура рәссамы исеме алып, Петербург САнең Югары сәнгать училищесен тәмамлый.

1897 елдан Казан сәнгать мәктәбе укытучысы, архитектура бүлеге җитәкчесе, 1899–1900 елларда аның урынбасары.

Бер үк вакытта, 1898–1899 да, Казан сәнгать училищесенең техник сурәтләр һәм төзелеш сәнгате укытучысы.

1900–1902 елларда Казан университеты архитекторы.

1909 елдан Саратов университетының төзүче архитекторы, 1912 елда даими яшәргә Саратовка күчеп китә.

1920 елдан Саратов политехник институтының гражданнар архит-расы һәм архитектураформалары, Саратов гамәли-инженерлар институтының архитектураһәм архитектур проектлаштыру профессоры.

XIX–XX йөзләр чигендәге күренекле Казан архитекторы. Яңа рус, яңа классицизм һәм модерн стильләрендә эшли.

Мюфке проектлары буенча Казан сәнгать мәктәбе бинасы (1900–1905), Казан университеты төп бинасының көнбатыш канаты (1902–1904), Ушкова йорты (1904–1908), Мюфке йорты (1907–1908), Саратов университеты комплексы һәм Агафоновка авылында университетның клиник шәһәрчеге төзелә (1909–1930); Казан университетының төп бинасы үзгәртеп корыла (1902–1912).

Осетинский А.П. Архитектурный ансамбль К.Л.Мюфке в Саратове. Саратов, 1984;

Саначин С.П. Карл Мюфке, его жизнь и архитектура // Казань. 1996. № 9–12.

Автор — С.П.Саначин