Брюно Ипполит Ипполитович

1872 елның 18 октябре – 1947 ел, Казан.

Петербург технология институтын тәмамлаганнан соң (1900), Казан сәнәгать училищесендә механика һәм сызым укыта (1915 елга кадәр). 1905 елдан Казанда хосусый проектлау бюросы тота. 1909–1911 елларда Казан шәһәр думасы әгъзасы. 1915 елдан Казан университеты архитекторы вазифаларын башкара.

Брюно проекты белән Казанда Н.И.Лопатин йорты (1912) төзелә, Психиатрия клиникасы бинасы (1915) төзелгән дип исәпләнә.

Муртазина Л.М. Казанские архитекторы конца XVIII – начала XX века: Биографический справочник. Казань, 1999.

Автор – Л.М.Мортазина