Мөхәммәдбүләк

Гомер еллары: 1350 тирәсе — 1380 елдан соң.

Мамай әмир тәхеткә утырта. Мамай тарафыннан Алтын Урданың үзәге Кырымда булган көнбатыш өлеше белән идарә итәргә куела.

1372–1373 елларда Сарай әл-Мәхрусә тәхетендә. Урдада, Кырымда һәм Маҗарда акчалар суктыра.

1379 елның җәендә Митяйга (митрополит Михаилга) тарханлык ярлыгы тапшыра.

Кайбер тарихчылар (мәсәлән, А.П.Кучкин) 1375/76 тирәсендә М. Мамай тарафыннан хакимияттән читләштерелгән дип, башкалары (А.П.Григорьев, А.А.Горский) ул Туктамыш хан хакимиятне үз кулына алганга кадәр (1380) хан булып калган, дип исәплиләр.

Греков Б.Д., Якубовский А.Ю. Золотая Орда и её падение. М.–Л., 1950;

Прохоров Г.М. Повесть о Митяе. М., 1978;

Куликовская битва. М., 1980;

Мухаммадиев А.Г. Булгаро-татарская монетная система XII–XV вв. М., 1983;

Горский А.А. Москва и Орда. М., 2000;

Григорьев А.П. Сборник ханских ярлыков русским митрополитам. СПб., 2004.

Автор — И.Л.Измайлов