Жеманов Семён Яковлевич

1836 ел — 1903 ел.

1863 елның Казан фетнәсендә актив катнашучысы, кораллы баш күтәрү планын төзүчесе. Кулга алына.

1865 елда Казан төрмәсеннән кача, Швейцариягә китә.

1860 елларның Көнбатыш Европадагы эшчеләр хәрәкәтенең актив катнашучысы.

1868–1870 елларда «Народное дело» газетасының редакция әгъзасы.

1870–1872 елларда I Интернационал Рус секциясенең әгъзасы. I Интернационал басмасын редакцияләүдә катнаша һәм аны Россиягә җибәрә.

Казан революционерлары  белән хәбәрдар булып тора.

1880 елларда «Освобождение труда» дип исемләнгән социал-демократик группага материаль ярдәм күрсәтә. Аның басмаларын Россиягә җибәрергә ярдәм итә.

Тормышының соңгы елларында Невшатель шәһәрендә  (Швейцария) укыту эшен алып бара.

Автор – В.А.Шагалов