Казан губернасы җәмгыятьләр эшләре кабулханәсе

1906 елның 7 мартында кабул ителгән «Вакытлы кагыйдәләр» нигезендә оештырыла.

Аның составына губернатор (рәис), вице-губернатор, губерна дворяннары башлыгы, губерна земство идарәсе рәисе, губерна земство җыены вәкиле, Казан шәһәр башлыгы керә. Җәмәгать оешмаларының программа документларын һәм уставларын терки, аларның эшчәнлеген контрольдә тота. Губернатор кушуы буенча җәмгыятьнең ачылуына кагылышлы эш алдан карала. Рәис кабулханә карарының башкарылуын туктатып торып, эшне эчке эшләр министрына тапшыру хокукына ия була.

Россия Эчке эшләр министрлыгына буйсына. Вакытлы хөкүмәтнең 1917 ел 12 апрель һәм 21 июнь карарлары белән бетерелә.

Полное собрание законов Российской империи. Собр. 3. СПб., 1909. Т. 26, отд. 1. № 27479.

Государственность России: Государственные и церковные учреждения, сословные органы и органы местного самоуправления, единицы административно-территориального, церковного и ведомственного деления (конец XV века — февраль 1917 года): Словарь-справ. М., 1996. Кн. 1.

Автор — Е.Б.Долгов