Закиров Мөхәммәтгали Закир улы

1907 елның 8 августы, хәзер Балтач районы Нөнәгәр авылы – 1972 елның 1 мае, Казан.

Чистай укытучылар техникумын (1934 ел), Казан югары партия мәктәбен (1952 ел) тәмамлый.

1920–1929 елларда төрле эштә.

1931–1937 елларда Балтач районында педагог: укытучы (Нөнәгәр авылы), башлангыч мәктәп мөдире (Борнак авылы), җидееллык мәктәп директоры (Шода авылы).

1937 елдан совет һәм партия эшендә: Балтач (1937–1942 еллар), Кайбыч (1942–1944 еллар) район башкарма комитетлары рәисе, КПССның Норлат (1944 елдан), Калинин (1950 елдан), Актаныш (1960 елдан), Арча (1963 елдан) райкомнары 1 нче секретаре.

1955–1967 елларда ТАССР Югары Совет депутаты, 1959–1967 елларда ТАССР Югары Совет Президиумы әгъзасы.

КПССның 21 нче съезды (1959 ел), СССР кулланучылар кооперациясенең 6 нчы съезды (1961 ел) делегаты.

«Почёт билгесе» ордены, медальләр, шул исәптән районның авыл хуҗалыгы тармагындагы казанышлары өчен СССР ВДНХсының алтын медале белән бүләкләнә.

Ахунов Г. Без бит Арча яклары // Казан утлары. 1978. № 8;

Игнатьев С. Растут и крепнут кадры, лучше идут дела // Партийная жизнь. 1960. № 12.