Заһидуллин Фәхретдин Гыйльметдин улы

1911 ел, Казан губернасы, Мамадыш өязе Байлангар авылы – 1998 елның 16 марты, Кемерово шәһәре.

1933–1941 елларда Кемерово шәһәрендә завод азык-төлек базасының тәэминат хезмәте башлыгы. 1941 елның ноябреннән Бөек Ватан сугышы фронтларында, 913 нче сапёрлар батальоны отделениесе командиры (7 нче армиянең 4 нче укчы корпусы). Карелия фронты гаскәрләре составында Свирь елгасы (Ленинград өлкәсе) буенда барган оборона сугышларында, Свирь-Петрозаводск һөҗүм операциясендә (1944 ел), Ленинград блокадасын өзүдә катнаша. 1944 елның 21 июнендә Свирь елгасын кичкәндә батырлык күрсәтә.

Сугыштан соң Кемерово шәһәренә кайта.

Ленин ордены, 1 нче дәрәҗә Ватан сугышы ордены, медальләр белән бүләкләнә.

Кемерово шәһәрендә Ф.Г.Заһидуллин яшәгән йортка мемориаль такта куела.

Ханин Л. Герои Советского Союза – сыны Татарии. Казань, 1963;

Герои Советского Союза – наши земляки. Казань, 1982. Кн. 1;

Героям Родины - слава! Петрозаводск. 1985.

Автор – В.А.Шагалов