Ягъфәров Сабит Фатих улы

1935 елның 1 гыйнвары, БАССРның Яңавыл районы Байгуҗа авылы — 1981 елның 12 июне, шунда ук.

Саратов политехникумын тәмамлый (1975).

езмәт эшчәнлеген 1951 елда Әгерҗе тимер юл депосында паровозлар ремонтлаучы слесарь булып башлый.

1957–1964 елларда «Башвостокнефтеразведка» трестының геол.-тикшеренү партиясендә бораулаучы.

1964–1981 елларда Урай, Нижневартовск бораулау эшләре идарәләрендә, «Баштөмәннефтьгаз» («Главтюменьнефтегаз») трестының 3 нче Шаимск бораулау конторасында бораулау мастеры. Шаимск һәм Самотлорск нефть ятмаларын үзләштерүдә, алдынгы технологияләр һәм техниканы гамәлгә кертүдә катнаша.

Ягъфәров бригадасы трестта иң яхшылардан була.

Герой исеме 9 нчы бишьеллык (1971–1975) планнарын үтәгәндә ирешкән югары җитештерү күрсәткечләре өчен бирелә. Ике Ленин ордены, медальләр белән бүләкләнә. СССРның мактаулы нефтьчесе (1971). Урай шәһәренең мактаулы гражданы.

Халиков М.С., Сафаров М.А. Татары: Воины, труженики, патриоты. М., 2006.

Автор — М.Җ.Гаитов