Вәлиуллин Госман Хәбибулла улы

1937 елның 26 гыйнварында Әлки районы Түбән Чаллы авылында туган.

1965 елда Казан авыл хуҗалыгы институтын тәмамлый.

1963 елдан Әлки районының «Актай» совхозы агрономы, 1965 елдан Лаеш районында: «Комсомольский» совхозы агрономы, 1968 елдан «Атабай» совхозы директоры, 1970 елдан авыл хуҗалыгы идарәсе башлыгы һәм бер үк вакытта район башкарма комитеты рәисе, 1976–2001 елларда «Столбище» тәҗрибә-җитештерү хуҗалыгы директоры.

Вәлиуллин җитәкчелегендә элиталы орлыкчылыкның матди-техник базасы булдырыла, терлекчелек комплекслары төзелә, игенчелек һәм терлекчелекнең яңа системалары гамәлгә кертелә. 1 га дан 50 ц дан артык бөртекле уңыш, 1 сыердан 3000 кг сөт савып алына; тәҗрибә-җитештерү хуҗалыгы игенчелек һәм терлекчелектә алдынгы алымнарны һәм хезмәтне оештыруның яңа формаларын гамәлгә кертү мәктәбенә әверелә.

Дәүләт бүләге уҗым бодаеның кышкы шартларга һәм корылыкка чыдам «Казан-84», «Мишә-2» сортларын чыгарган һәм гамәлгә керткәне өчен бирелә.

Ленин, ике Хезмәт Кызыл Байрагы, Дуслык орденнары, медальләр белән бүләкләнә.

Углубление пахотного слоя // Зерновое хозяйство. 1980. № 4 (автордаш).

Как повысить питательность кормов. Казань, 1981 (автордаш).

Интенсификация возделывания зерновых культур в Татарии. Казань, 1987 (автордаш).