Вахитов Миңнулла (Төхфәтулла) Вәлиулла улы

1872 ел, Казан губернасы, Казан өязе Наласа авылы – 1927 елның 24 мае, Казан.

1892 елдан Алафузовларның туку фабрикасы эшчесе.

1905–1907 еллардагы революция вакыйгаларында катнаша, 1906 елдан РСДРПның Алафузов район комитеты әгъзасы.

1907–1913 елларда Оренбург, Баку, Мәләкәс (Самара губернасы), Екатеринбург, Вятка шәһәрләрендә, 1913 елдан Казанда партия эшендә.

1917 елда Мөселман социалистлар комитеты президиумы әгъзасы.

1919–1920 елларда Кызыл Армиядә, Көнчыгыш фронтның 2 нче армиясендә агитатор.

1920–1922 елларда элеккеге Алафузов заводларында РКП(б)ның 2 нче ячейкасы секретаре, туку сәнәгате эшчеләренең Татарстан өлкә союзы идарәсе рәисе.

1923 елдан ТАССР Юстиция халык комиссариатында, ТАССРның баш мәхкәмәсе коллегиясе әгъзасы.

Деятели революционного движения в России: От предшественников декабристов до падения царизма: Биобиблиогр. словарь. М., 1933. Т. 5, вып. 2.

Хасанов Х. Вахитов Минулла Валиуллович // Борцы за счастье народное. Казань, 1967.