Саттаров Рәшит Саттар улы

1912 елның 12 октябре, Самара губернасы, Бөгелмә өязе Мәмәт авылы – 1996 елның 27 ноябре, Әлмәт шәһәре.

1930–1932 елларда Үзбәкстан ССРның Пахта районында бакчачылык совхозында эшли.

1932–1938 елларда Әлмәт районының «Победа» колхозында, 1938–1940 елларда Бөгелмә районының «Батуринка» колхозында тракторист-машинист.

1946–1951 елларда Казахстан ССРның Җамбул өлкәсе «Чустрой» участогында ташчы.

1951–1972 елларда «Татнефтестрой» комбинатындагы 8 нче төзелеш-монтаж трестының 42 нче төзелеш-монтаж идарәсендә (Әлмәт), ташчылар бригадиры (1953 елдан).

Герой исеме төзелештә югары нәтиҗәләргә ирешкәне өчен бирелә.

Бөек Ватан сугышында катнаша.

Ленин ордены, Октябрь Революциясе, 2 нче дәрәҗә Ватан сугышы орденнары, медальләр белән бүләкләнә.

Әлмәт шәһәренең мактаулы гражданы (1969); шәһәрнең төбәк музеенда Р.С.Саттаровның тормышы һәм эшчәнлегенә багышланган стенд, Геройлар аллеясында Р.С.Саттаров бюсты куелган.

Герои Социалистического Труда Татарии (1938–1978 гг.): Док. очерки. Казань, 1980.

Герои Социалистического Труда и полные кавалеры ордена Трудовой Славы – наши земляки. Казань, 2003.

Әлмәт – Альметьевск. Казань, 2003.