Сафин Салих Гарифулла улы

1923 елның 16 марты, Спас кантоны Әҗмәр авылы – 2018 елның 15 гыйнвары, Казан.

Куйбышев педагогика училищесен (ТАССР, 1941), Казан югары партия мәктәбен (1961), Минзәлә авыл хуҗалыгы техникумын (1964) тәмамлый.

1941 елда Бурят-Монгол АССРда авыл мәктәбендә укытучы.

1941–1945 елларда Кызыл Армиядә хезмәт итә.

1946–1952 елларда Куйбышев районының Әҗмәр авылында укытучы (бүленеп: 1947–1948 елларда ВЛКСМның Куйбышев район комитеты 1 нче секретаре).

1952–1957 елларда КПССның Куйбышев район комитетында инструктор, бүлек мөдире, секретарь булып эшли. 1961–1962 елларда Татарстан өлкә комитеты инструкторы. 1962 елда КПССның Минзәлә район комитеты 1 нче секретаре. 1962–1965 елларда Питрәч колхоз-совхоз җитештерү идарәсенең партия комитеты секретаре. 1965–1971 елларда КПССның Актаныш район комитеты 1 нче секретаре. 1972–1984 елларда Профсоюзларның Татарстан өлкә советы рәисе. 1963–1985 елларда ТАССР Югары Советы депутаты.

Ленин ордены, Хезмәт Кызыл Байрагы, «Почет билгесе» орденнары, медальләр белән бүләкләнә.