Прохоров Василий Никитович

1924 елның 4 феврале, Спас кантоны, хәзер Әлки районы Хлебодаровка авылы — 1992 елның 27 мае, шунда ук.

Хезмәт эшчәнлеген 1940 елда ОСОАВИАХИМның Әлки районы бүлегендә инструктор булып башлый.

1953–1958 елларда Хлебодаровка авыл советы секретаре. 1958–1984 елларда Әлки районының «Салман» совхозында: бүлек идарәчесе, трактор-кырчылык бригадасы бригадиры.

Герой исеме бөртекле ашлык һәм терлек азыгы культураларын җитештерү һәм әзерләүне арттыруда ирешкән уңышлары һәм техниканы югары җитештерүчән кулланганы өчен бирелә.

Бөек Ватан сугышында катнаша.

Ленин ордены , 2 нче дәрәҗә Ватан сугышы, Кызыл Йолдыз орденнары, медальләр, ТАССР ЮС Президиумының Мактау грамотасы белән бүләкләнә.

Герои Социалистического Труда и полные кавалеры ордена Трудовой Славы — наши земляки. К., 2003.