Правдюк Анатолий Николаевич

1950 елның 27 августында Ютазы районы Ютазы авылында туа.

Мәскәү нефть химиясе һәм газ сәнәгате институтын (1976), Уфа нефть-техник университетын (2001) тәмамлый.

1968–1969, 1977–1988 елларда «Татнефть» ҖБнең «Иркеннефть» НГДУнда: слесарь, геолог, цех башлыгы, технология бүлеге башлыгы.

1969–1973 елларда Лениногорск промысел-геофизика конторасында радиоактив каротаж буенча техник, 1973–1975 елларда Оренбург геология экспедициясендә геофизик, 1975–1977 елларда Лениногорск промысел-геофизика конторасында инженер-оператор.

1988–2011 елларда Лениногорск катламнарның нефть бирүчәнлеген күтәрү һәм скважиналарны капиталь ремонтлау идарәсендә технология бүлеге башлыгы, баш инженер.

2012 елдан «Сәнәгать технологияләре»ндә проектлар җитәкчесе.

Уйлап табуга 3 авторлык таныклыгы бар.

Дәүләт бүләге эксплуатацияләү колоннасын саклау һәм яңадан торгызу өчен технологияләр һәм техник чаралар комплексын эшләгәне һәм сәнәгатьтә киң кулланышка керткәне өчен бирелә.

Медальләр белән бүләкләнә.