Осыка Иван Иванович

1953 елның 16 гыйнварында Украина ССРның Одесса өлкәсе Измаил шәһәрендә туа.

Киев политехник институтын тәмамлый (1976).

1975–1977 елларда «Прогресс» заводының механикалаштыру һәм автоматлаштыру бүлегендә инженер-конструктор (Чернигов өлкәсенең Нежин шәһәре).

1977–1986 елларда «Укрсельхозтехника»ның Измаил технология җиһазлары заводында инженер-технолог, технология бюросы, бүлеге башлыгы, баш технолог.

1986–1992 елларда һәм 1993 елдан «АлАЗ» ҖБ» АҖдә: Станок-инструментлар заводында инженер-технолог, бүлек башлыгы, техник үзәкнең баш белгече, баш технолог (2002 елдан).

Дәүләт бүләге 50 һәм 60 т йөк күтәрешле нефть һәм газ скважиналарын үзләштерү һәм ремонтлау өчен югары технологияле күтәрү агрегатларын эшләүдә һәм җитештерүдә катнашканы өчен бирелә.