1892 елның 30 мае, Самара губернасы Бөгелмә өязе (хәзерге Азнакай районы) Чемодурово авылы — 1972 елның 6 сентябре, Бөгелмә шәһәре.

Беренче бөтендөнья һәм Гражданнар сугышларында катнаша.

Туган авылында бригадир, колхоз рәисе булып эшли.

1942 елның декабреннән Кызыл Армия сафларында.

1943 елның июненнән Бөек Ватан сугышы фронтларында, 2 нче танк армиясенең 3 нче танк корпусы 57 нче мотоукчы бригада укчысы. Үзәк һәм 1 нче Украина фронтлары гаскәрләре составында Курск сугышында (1943), Чернигов-Припять (1943) һәм Корсунь-Шевченко (1944) һөҗүм операцияләрендә катнаша.

1944 елның 13 мартыннан Берёзки-Берщадский авылы (Винница өлкәсенең Берщадский районы) янында Көньяк Буг елгасын кичкәндә батырлык күрсәтә. 4 сугышчы төркемендә кул астында булган чаралардан җиңел күпер кора, елганың аръягына чыга, утлы коралдан атып һәм гранаталар ыргытып, дошманның контрһөҗүмнәрен кире кайтара, өстәмә көчләр килеп җиткәнче, төн дәвамында күперне үз кулында тота.

1944 елда авыр яраланганнан соң демобилизацияләнә.

Бөгелмәдә яши.

1948 елдан «Туймазабурнефть» трестының 2 нче төзелеш-монтаж идарәсендә монтажчы, бригадир, мастер булып эшли (Октябрьский шәһәре, Башкорт АССР).

Ленин ордены, медальләр белән бүләкләнә.

Азнакай һәм Бөгелмә шәһәрләрендәге Геройлар аллеясында Геройның бюстлары урнаштырыла, урамнарына аның исеме бирелә.

Ханин Л. Герои Советского Союза – сыны Татарии. Казань, 1963;

Герои Советского Союза – наши земляки. Казань, 1984. Кн. 2;

Батырлар китабы – Книга Героев. Казань, 2000;

Населённые пункты Республики Татарстан: иллюстрированная энциклопедия: в 3 т. Казань, 2018. Т. 1. С. 65, 102, 618;

Книга Героев = Батырлар китабы / сост.: М.В.Черепанов, Е.В.Панов. Казань, 2022. С. 114.

Авторлар — М.З.Хәбибуллин, Л.М.Айнетдинова, Г.Х.Галимуллина