Нигъмәтуллин Гафият Ярмөхәммәт улы

1915 елның 15 марты, Казан губернасы, Мамадыш өязе Кече Кирмән авылы — 1945 елның 8 мае, Берлин янында җирләнә.

Хәрби-сәяси академия (БАССР, Бәләбәй шәһәре, 1942) тәмамлый.

Свердловск һәм Чиләбе шәһәрләре заводларында эшли.

1938 елдан туган ягында «Пятилетка» совхозында сәяси бүлек башлыгы ярдәмчесе.

1939 елдан Кызыл Армия сафларында. Совет-фин сугышында катнаша, 86 нчы мотоукчылар дивизиясендә рота политругының урынбасары (7 нче армия).

Төньяк-Көнбатыш фронты гаскәрләре составында 1940 ның гыйнварында Виипури торак пункты (хәзер Ленинград өлкәсе Выборг шәһәре) янындагы сугышта батырлык күрсәтә: төркемне чолганыштан алып чыгуны оештыра. Бөек Ватан сугышында катнаша.

Ленин ордены, медальләр белән бүләкләнә.

Мамадыш шәһәрендә Геройга бюст куелган.

Батырлар китабы — Книга Героев. К., 2000;

Есть на Вятке городок. К., 1981;

Герои Советского Союза — наши земляки. К., 1984.

Автор — М.З.Хәбибуллин