Маринин Виктор Иванович

1923 елның 5 августы, Чистай шәһәре — 1943 елның 20 феврале, Украина ССР, Донецк өлкәсе Сергеевка авылы.

Автогараж җиһазлары заводында токарь булып эшли.

1941 елның июненнән Кызыл Армия сафларында. 1941 елның ноябреннән Бөек Ватан сугышы фронтларында, 50 нче танк батальоны мотоциклчысы (3 нче танк корпусының 50 нче танк бригадасы). Төньяк-Көнбатыш фронт гаскәрләре составында Украинаны азат итүдә катнаша (1943).

1943 елның февралендә Краматорск шәһәре һәм Сергеевка авылы янындагы сугышта батырлык күрсәтә. 3 тапкыр разведкага барып кыйммәтле мәгълүматлар алып кайта. 20 февральдә дошман танкларына каршы сугышка керә, 2 танкны сафтан чыгара, авыр яралана, ләкин сугышуын дәвам итә һәм шунда һәлак була.

Ленин ордены, медаль белән бүләкләнә.

Батырлар китабы — Книга Героев. К., 2000;

Трокаев А.А. Подвиг на шахтёрской земле. Донецк, 1983;

Герои Советского Союза — наши земляки. К., 1984. Кн. 2.

Автор — М.З.Хәбибуллин