Хәлилов Мансур Сафа улы

1942 елның 8 августы, Алексеев районы Түбән Тигәнәле авылы — 2021 елның 28 марты.

Чуаш советлар-партия мәктәбен тәмамлый (1973).

1960–2009 елларда Алексеев районының «Алга» колхозында эшли: механизатор, баш икътисадчы (1973 елдан), рәис (1977 елдан).

Хәлилов җитәкләгән елларда колхозда җитештерү-техник һәм социаль-мәдәни инфраструктура булдырыла; Түбән Тигәнәле, Урта Тигәнәле авылларында электр, газ, телефон кертелә. 2008 елга бөртекле ашлык җитештерү 2,2, сөт — 1,9, ит — 2,9 тапкыр арта. Бөртеклеләрнең уңышы 1 га елдан 11 ц елдан 50,5 ц га кадәр, уртача еллык савым һәр сыердан 2382 кг нан 5003 кг га кадәр арта.

«Татарстан Республикасы алдынгы казанышлары өчен» ордены, медальләр, ТРның Мактау грамотасы белән бүләкләнә.

Алексеев районының мактаулы гражданы (2002).