Газизуллин Наил Фәйзелхак улы

1951 елның 17 октябрендә Казанда туа.

1976 елда Казан финанс-икътисад институтын тәмамлый.

1980–1989 елларда Мәскәү энергетика институтының Казан филиалында, Казан төзүче-инженерлар институтында укыта.

1994–1996 елларда С.-Петербург профсоюзларның гуманитар университетында икътисад һәм идарә итү кафедра профессоры, 1996 елдан С.-Петербург инженерлык-икътисад академиясенең дәүләт һәм муниципаль идарә итү кафедрасы профессоры һәм Европа экспертлар институтында кафедра мөдире.

Евразия регион­ара фәнни-аналитик «Проблемы современной экономики» ж-лының баш мөхәррире (2002 елдан).

Фәнни тикшеренүләренең төп юнәлешләре – экологик-икътисади тигезләнеш һәм социаль-икътисади системаларның тотрыклы үсеше проблемалары, гомуми реформалар теориясенең экологик-икътисади аспектлары.

Экологический вектор экономической деятельности. М., 1992;

Эколого-экономическое равновесие общества. М., 1992;

О философских основах предмета и метода экологической науки. СПб., 2008.