Поиск
ТАТ
- РУС
- ТАТ
Эчтәлек
Гаврилов Пётр Михайлович
Гаврилов Пётр Михайлович
Советлар Союзы Герое (1957 елның 30 гыйнвары), майор
Гыйләҗев И.А. (идея, сценарий авторы, алып баручы). Петр Гаврилов. 2020
Проектның кураторы, эш төркеме җитәкчесе – Б.Л.Хәмидуллин. Редакция советы: И.А.Гыйләҗев (рәис), Л.М.Айнетдинова, М.З.Хәбибуллин, Б.Л.Хәмидуллин, Р.В.Шәйдуллин, Ф.Г.Ялалов. Режиссер, продюсер – Р.И.Хәбибуллин. Рәссам – Г.Р.Дәүләтьянова. Татар теленә Ф.Р.Бәдретдинова һәм И.Х.Хәлиуллин тәрҗемә итте. Татарстан Фәннәр академиясенең Татар энциклопедиясе һәм төбәкне өйрәнү институты
Биографиясе
1900 елның 30 июне, Казан губернасы, Лаеш өязе (хәзерге Питрәч районы) Әлбәдән авылы – 1979 елның 26 гыйнвары, Краснодар шәһәре, Брест шәһәрендә, Белорусия ССР җирләнә.
Дүрт сыйныфны тәмамлаганнан соң, эшли башлый, 14 яшендә Казанга китә. Икмәк пешерү цехында (1915), заводта кара эштә эшли.
1918 елдан Кызыл Армиядә. Гражданнар һәм совет-фин сугышларында катнаша.
Владикавказ пехота мәктәбен (1925), Мәскәүдә М.В.Фрунзе исемендәге Хәрби академияне тәмамлый (1939 ел).
1941 елдан Бөек Ватан сугышы фронтларында, 13 нче армиянең 42 нче укчы дивизиясе 44 нче укчы полк командиры.
1941 елның 22 июненнән 23 июленә кадәр Брест крепостеның Көнчыгыш фортын саклау белән җитәкчелек итә. Әсирлеккә эләгә. Брест концлагеренда була. 1945 елның маенда совет гаскәрләре тарафыннан азат ителә.
1946 елга кадәр армиядә хезмәт итә.
Репрессияләнә; 1957 елда аклана.
Брест крепосте оборонасы белән җитәкчелек итүдәге батырлыгы өчен Советлар Союзы Герое исеменә лаек була.
СССР Югары Совет депутаты (1958–1962 еллар).
Туган җирендә, соңрак Краснодар шәһәрендә яши.
П.М.Гаврилов К.Молчановка «Брест крепосте» операсын иҗат иткәндә киңәшче була, «Чик буе» кинофильмын төшерүдә катнаша.
Бүләкләре
Ике Ленин ордены, медальләр белән бүләкләнә.
Брест шәһәренең мактаулы гражданы.
Истәлеге
П.М.Гаврилов исеме Казан, Краснодар һәм Питрәч авылы урамнарына бирелә.
Питрәч районының Күн авылында һәм туган авылында (шунда ук музее оештырыла) Геройның бюстлары куела.
Үзәк Тянь-Шаньдагы бер пикка Пётр Гаврилов исеме бирелә.
Пётр Гаврилов образы 1956 елда төшерелгән «Бессмертный гарнизон», 1985 елда төшерелгән «Битва за Москву», 2010 елда экраннарга чыккан «Брестская крепость» фильмнарында гәүдәләндерелә.
Әсәрләре
Сражается крепость. Краснодар, 1980.
Әдәбият
Герои Советского Союза — наши земляки. Казань, 1982. Кн. 1;
Герои Советского Союза: краткий биографический словарь. М., 1987. Т. 1;
Батырлар китабы — Книга Героев. Казань, 2000;
Населённые пункты Республики Татарстан: иллюстрированная энциклопедия: в 3 т. Казань, 2025. Т. 3. С. 162, 164, 169, 170, 182, 183.
Авторлар — М.З.Хәбибуллин, Л.М.Айнетдинова, Г.Х.Галимуллина
