Гафиятуллин Газинур Гафиятулла улы

1913 елның 13 (26) гыйнвары, Самара губернасы, Бөгелмә өязе Сугышлы авылы – 1944 елның 14 гыйнвары, Псков өлкәсе, Великие Луки районы Овсище авылы, Мякотино авылында җирләнә.

Колхозда, урман сәнәгате хуҗалыгында эшли.

1941 елдан Кызыл Армиядә.

1941 елның июленнән Бөек Ватан сугышы фронтларында, 20 нче укчы полкның (22 нче армиянең 37 нче укчы дивизиясе) отделение командиры урынбасары.

Көнбатыш, Калинин, Төньяк-Көнбатыш, Балтыйк буе һәм 2 нче Балтыйк буе фронтлары гаскәрләре составында Дрисса һәм Витебск чигендә оборона сугышларында (1941 ел), Смоленск сугышында (1941 ел), Калининград (1941 ел) һәм Ржев-Вязьма (1943 ел) оборона операцияләрендә, Холм һәм Великие Луки шәһәрләре янында Ловать елгасы өчен барган бәрелешләрдә катнаша.

1944 елның 14 гыйнварында Овсище авылы өчен барган сугышта батырлык күрсәтә. Отделение белән бергә дошман дзотын юк итә. Икенче дзотның амбразурасына ташлана һәм утны күкрәге белән каплап һәлак була.

Бөгелмә шәһәрендә һәм Овсище авылында Г.Г.Гафиятуллинга һәйкәл куела.

Геройның исеме Казан, Бөгелмә, Лениногорск, Әлмәт урамнарына бирелә.

Батырлар китабы – Книга Героев. Казань, 2000;

Г.С.Әпсәләмов. Газинур. Роман М., 1954;

Герои Советского Союза – наши земляки. Казань, 1982. Кн. 1;

Герои Советского Союза: Краткий биографический словарь. М., 1987. Т. 1.

Автор – М.З.Хәбибуллин