Фёдоров Иван Михайлович

1924 елның 30 июне, Кайбыч районы Турминский авылы — 1971 елның 1 феврале, Мәскәү өлкәсенең Павлов Посад шәһәре.

1939 елда гаиләсе Канаш шәһәренә (Чуаш АССР) күченеп китә.

1942 елның сентябреннән Кызыл Армиядә һәм Бөек Ватан сугышы фронтларында, 25 нче гаубица артиллерия бригадасының 877 нче гаубица артиллерия полкы радист-көйләүчесе (46 нчы армиянең 7 нче артиллерия һөҗүм дивизиясе). Көньяк-Көнбатыш, 3 нче Украина, Карелия һәм 2 нче Украина фронтлары гаскәрләре составында Днепр өчен сугышта (1943), Яссы-Кишинёв (1944) һәм Будапешт (1944–1945) һөҗүм операцияләрендә катнаша.

1944 елның 5 декабренә каршы төнендә Эрчи шәһәре янында (Венгрия) Дунай елгасын кичкәндә батырлык күрсәтә. Дошманның көчле уты астында беренчеләрдән булып радиостанция белән елганы кичеп чыга һәм штурм төркеме белән батарея арасында элемтә урнаштыра. 3 сәгать дәвам иткән аяусыз сугыш барышында мәгълүматлар җибәрә, артиллерия утын көйли. Плацдарм яулап алына, дошманга зур зыян килә.

Сугыштан соң Совет Армиясендә хезмәтен дәвам итә.

1947–1948 елларда Канаш шәһәрендә кондитер фабрикасында склад мөдире, 1948 елдан Павлов Посад шәһәрендә яши, туку фабрикасында слесарь булып эшли.

Ленин ордены, медальләр белән бүләкләнә.

Шәһәр тибындагы Апас посёлогында Геройга бюст куела.

Батырлар китабы — Книга Геров. К., 2000.

Автор — М.З.Хәбибуллин