Ежков Валентин Фёдорович

1922 елның 27 мае, ТАССРның Арча кантоны Арча шәһәре – 1943 елның 19 августы, Украина ССР, Донецк өлкәсенең Шахтёр районы Степановка авылы.

1940 елга кадәр Харьков трактор заводында эшли.

Хәрби пехота училищесын (1941 ел) тәмамлый. 1942 елның июленнән Бөек Ватан сугышы фронтларында, 13 нче гвардия укчы полкының танкка каршы көрәшү ротасы командиры (2 нче гвардия армиясенең 3 нче гвардия укчы дивизиясе). Донецк, Сталинград һәм Көньяк фронтлары гаскәрләре составында Сталинград (1942–1943 еллар) сугышында, Украинаны азат итү сугышларында катнаша.

1943 елның 19 августында Степановка авылы янындагы сугышта батырлык күрсәтә: В.Ф.Ежков җитәкчелегендәге рота дошманның 12 танкын юк итә. Шул сугышта һәлак була.

Ленин ордены, медальләр белән бүләкләнә.

Батырлар китабы— Книга Героев. Казань, 2000;

Ханин Л. Герои Советского Союза — сыны Татарии. Казань, 1963;

Молчанов Б.Л. Ромашки на пьедестале. М., 1977;

Герои Советского Союза — наши земляки. Казань, 1982. Кн. 1;

Шёл парнишке в ту пору... Киев, 1985.

Автор – В.А.Шагалов