Ермаков Владимир Васильевич

1929 елның 23 июле Саратов өлкәсенең Ивантеевка районы Ивантеевка авылы – 1991 елның 13 гыйнвары Казан.

Саратов авыл хуҗалыгы механикалаштыру институтын тәмамлый (1952 ел). 1952–1953 елда Алексеев механикалаштыру училищесе укытучысы, 1953–1956 елларда директоры, 1956–1959 елларда Бөгелмә механикалаштыру училищесе директоры. 1959–1960 елларда КПССның Бөгелмә шәһәр комиссариаты секретаре, 1962–1963 елларда 1 нче секретаре, 1965–1972 елларда КПССның Әлмәт шәһәр комитеты 1 нче секретаре. 1972–1988 елларда ТАССР Дәүләт планы комитеты рәисе. Бер үк вакытта 1981–1988 елларда ТАССР Министрлар Советы рәисе урынбасары.

1967–1975 елларда РСФСР, 1963–1967 елларда, 1976–1990 елларда ТАССР Югары Совет депутаты.

Октябрь Революциясе, ике Хезмәт Кызыл Байрагы, «Почёт билгесе» орденнары, медальләр белән бүләкләнә.