Әхмәтов Дамир Рәхми улы

1936 елның 17 августында Сарман районы Хуҗи авылында туган.

Казан авыл хуҗалыгы институтын тәмамлый (1977). 1952 елдан Теләнче Тамак МТСында комбайнчы. 1959–1967 елларда «Мәгариф» колхозында.

1969–1985 елларда Сарман районының «Үрнәк» колхозы рәисе, 1985–1996 елларда Мортыштамак авыл советы рәисе.

Герой исеме техника куллануда югары күрсәткечләргә ирешкәне өчен бирелә.

Ленин, Хезмәт Кызыл Байрагы орденнары, медальләр белән бүләкләнә.

Хәйруллин Х.Г. Хуҗида үскән батыр. Казан, 1972.

Татарстанның Социалистик Хезмәт Геройлары (1938–1978): Документаль очерклар. Казан, 1980.