Кызыл юл

РКП(б)ның Уфа губерна комитеты каршындагы татар-башкорт секциясе һәм губерна ревкомы каршындагы татар-башкорт эшләре бүлеге органы.

1919 елның июненнән 1920 елның мартына кадәр Уфа шәһәрендә нәшер ителә.

Редакторлары: С.Атнагулов, М.Тимербаев, А.Хабиби, С.Бәдриев, Г.Худаяров, Г.Алпаров.

Төп игътибар Советлар эшчәнлегенә, төбәк сайлауларына, хәрби гамәлләр турындагы хәбәрләргә бирелә, яшьләрнең проблемалары аерым искә алына.

«25нче дивизия сәяси шөгбәсе хәбәрләре» газетасына кушымта буларак басыла. 1920 елның мартыннан «Шәрыкъ ярлары» исеме белән нәшер ителә.

Татар энциклопедиясе. Казан, 2012. Т.3;

Татарская периодическая печать: Научно-энциклопедическое издание. Казань, 2017.