Попов Вячеслав Андреевич

1877 елның 12 ноябре, Санкт-Петербург — 1923 елның 26 марты, Казан.

Казан университетының медицина факультетын тәмамлаганнан соң (1902), шунда ук табиб булып эшли, 1906 елдан — анатомия кафедрасында прозектор ярдәмчесе, 1913–1914 елларда — прозектор, профессор (1921).

Хезмәтләре кешенең югары очлыклары артерияләре морфологиясен өйрәнүгә карый.

Рус-япон сугышында (1904–1905) катнаша.

2 нче һәм 3 нче дәрәҗә Изге Станислав, 3 нче дәрәҗә Изге Анна орденнары белән бүләкләнә.

Случай прибавочной печени // Казан. медицина журн. 1911. Т. 11, № 3;

К морфологии артерий верхней конечности человека. О некоторых артериях области плеча, локтевого сгиба и предплечья. К., 1914.