1904 елның 4 феврале, Казан губернасы, Лаеш өязе (хәзерге Балык Бистәсе районының) Уракчы авылы – 1996 елның 27 мае, Украина ССР, Винница шәһәре.

2 нче Мәскәү пехота училищесен (1924), командирлар составы белемен күтәрү курсларын (1932), М.В.Фрунзе исемендәге Хәрби академия каршындагы командирлар әзерләү курсларын (Мәскәү, 1947) тәмамлый.

1921-1937 елларда Кызыл Армиядә. Хезмәттән соң Ярославль шәһәрендә яши, «Свободный труд» заводында ремонтчылар бригадиры булып эшли.

1941 елда яңадан хәрби хезмәткә алына.

1942 елның февраленнән Бөек Ватан сугышы фронтларында, 69 нчы армиянең 117 нче укчы дивизиясе 240 нчы укчы полк командиры. Воронеж, Дала һәм 1 нче Белоруссия фронтлары гаскәрләре составында Харьков һөҗүм һәм оборона операцияләрендә (1943), Днепр елгасы өчен сугышта (1943), Люблин-Брест (1944) һәм Варшава-Познань (1945) һөҗүм операцияләрендә катнаша.

Висла елгасын кичеп, Пулавы шәһәре (Польша) янында плацдармны алуда батырлык күрсәтә. 1944 елның 31 июль төнендә К.С.Русаков җитәкчелегендәге полк, кисәк һөҗүм итеп, мөһим стратегик пунктны ала, дошманның күпсанлы контратакаларын кире кайтара һәм күпләгән солдатын юк итә.

Сугыш тәмамланганнан соң, армиядә хезмәт итүен дәвам итә, Б.Хмельницкий исемендәге Винница хәрби-техник училище начальнигы ярдәмчесе була. .

1957 елдан запаста. Винницада яши.

Ике Ленин ордены, дүрт Кызыл Байрак, 3 нче дәрәҗә Суворов, Александр Невский, 1 нче дәрәҗә Ватан сугышы, Кызыл Йолдыз орденнары, медальләр белән бүләкләнә.

В поселке городского типа Рыбная Слобод на территории мемориального комплекса установлен бюст К.С.Русакова, его именем названа улица.

Батырлар китабы — Книга Героев. Казань, 2000;

Книга Героев = Батырлар китабы / сост.: М.В.Черепанов, Е.В.Панов. Казань, 2022. С. 130;

Населённые пункты Республики Татарстан: иллюстрированная энциклопедия: в 3 т. Казань, 2025. Т. 3. С. 223, 228, 270.

Авторлар — М.З.Хәбибуллин, Л.М.Айнетдинова, Г.Х.Галимуллина