Мәхмүдов Камил Әхмәт улы

1941 елның 27 маенда Дагстан АССР, Буйнак шәһәрендә туа.

Армавир югары хәрби авиация очучылары училищесен (1964), Ю.А.Гагарин исемендәге Хәрби-һава академиясен (Мәскәү өлкәсенең Монино поселогы, 1972) тәмамлый.

1974–1979 елларда истребительләр авиациясе часте командиры урынбасары, командиры.

1979–1985 елларда СССР Һава һөҗүменнән саклану берләшмәсе авиациясе башлыгы.

1985–1986 елларда СССР Һава һөҗүменнән саклану берләшмәсе авиациясе башлыгы урынбасары.

1986 елдан СССР Һава һөҗүменнән саклану берләшмәсе командующиенең авиация урынбасары — авиация башлыгы.

Орденнар, медальләр белән бүләкләнә.