Шурампус

РСФСР Милләтләр эшләре буенча халык комиссариаты каршындагы Үзәк чуаш бүлеге органы.

1919 елның гыйнварыннан 1921 елга кадәр Казанда чуаш телендә нәшер ителә, барысы 18 саны чыга.

Мөхәррирләре — А.Лукин, Е.Фадеев, Н.Андреев.

Сәясәт бүлегендә — совет хөкүмәтенең декретлары һәм карарлары, хуҗалык, хәрби эшчәнлек мәсьәләләре буенча материаллар, гражданнар сугышы фронтларыннан хәбәрләр, фәнни бүлектә — тарих, география, медицина (аерым алганда, эпидемик авырулар һәм аларны кисәтү чаралары турында тәэфсилләп хәбәр ителә; медицина буенча мәкаләләр авторлары арасында — С.Вишневский); әдәби бүлектә — К.Ивановның «Нарспи» поэмасы, Ф.Павловның «Мәхкәмәдә» («В суде») комедиясе, М.Федоровның «Урман иясе» («Лещий») балладасы, яшь язучыларның гражданнар сугышы романтикасына дан җырлаган хикәяләре һәм шигырьләре дөнья күрә.

«Шурампус» укучыларын рус язучылары әсәрләре – И.Крылов мәсәлләре, Л.Н.Толстойның «Барлык сыйфатлар да аңардан» («От ней все качества») комедиясе, А.П.Чехов хикәяләре һәм башкалар белән таныштыра.

Чуаш язучылары И.Н.Юркин, Г.Тал-Мрза (Зайцев), Ф.П.Павлов хезмәттәшлек итә.

1919–1920 дә тиражның күп өлеше Кызыл Армия частьларына таратыла.

1995 елның июненнән «Сувар» газетасының шул ук исемдәге әдәби кушымтасы буларак басыла (4 сан).

Мөхәррирләре — Н.М.Сорокин, А.Г.Иванов, К.А.Малышев.

Татарстанда яшәүче чуаш шагыйрьләре, прозаиклары, публицистларының (В.Юдин, В.Ашкеров, Н.Зимин, В.Орлов һ.б.) шигырьләре, җырлары, хикәяләре, очерклары, татар шагыйрьләре һәм язучылары әсәрләренең тәрҗемәләре басыла.

Сорокин Н. Занялась «Заря» чувашская // Татарстан. 1996. № 1;

Татарская энциклопедия. Казань, 2014. Т.6;

Пресса Казани ХIХ–ХХI вв. Казань, 2016;

Казанская периодика ХIХ–ХХI вв.: Энциклопедический справочник для средств массовых коммуникаций. Казань, 2018.