Islam Today

2012 елда нигезләнә. Рус телендә нәшер ителә.

Гамәлгә куючысы: Р.Ә.Хәмидуллин.

Баш мөхәррире: Г.И.Биктимерова.

Исламга багышланган иң абруйлы һәм популяр рус телле ресурсларның берсе.

Порталда төрле темаларны колачлаган 130 000 нән артык материал бастырылган:

• хәнәфи хокук мәктәбе кысаларында ислам дине нигезләре;
• табыну кагыйдәләре;
• ислам тарихы һәм мөселман мәдәнияте;
• ислам дөньясы һәм Россия мөселман җәмгыятьләре яңалыклары.

Порталның төп үзенчәлеге — катлаулы темаларга гади һәм аңлаешлы итеп сөйләшә белү. Шуңа күрә Islam Today ышанычлы белемгә һәм динне аңлы рәвештә тануга юл күрсәткеч булып тора.

Порталның идеологиясе нигезендә Татарстан һәм Россия мөселманнарына хас булган традицион кыйммәтләр ята: уртачыл карашлар, хәнәфи мәзһәбенә тугрылык, толерантлык һәм диʼнара диалог.

Islam Today сайты шулай ук Татарстанда мөселманнар тормышының төп вакыйгаларын яктырта. Шуның аркасында ул мәгърифәтчелек кенә түгел, ә тарихи функцияне дә үти: безнең төбәктә ислам үсеше этапларын теркәп бара.