БИЗНЕС Online

2007 елда нигезләнә. Рус телендә нәшер ителә.

Гамәлгә куючысы – «Бизнес Медия Холдинг» ҖЧҖ. Проектның инициаторы – «Восточный экспресс» газетасын чыгаручы Р.Галәмов һәм баш мөхәррире Р. Билалов (2007–2015).

2015 елдан баш мөхәррире А.Брусницын.

Басма эшлекле, иҗтимагый‑сәяси һәм социаль көн тәртибен Татарстанның төбәк үзенчәлекләре белән берләштерә.

Төп тематик блоклар: икътисад һәм бизнес; сәясәт һәм дәүләт идарәсе; социаль өлкә; спорт; тикшерүләр һәм махсус проектлар.

Төрле елларда басмада республиканың әйдәп баручы журналистлары, спорт күзәтүчеләре һәм аналитиклары эшли, алар танылган «БИЗНЕС Online» стилен булдыра. «БО Спорт» мөстәкыйль блогы аерылып чыга, аналитик һәм махсус проект линейкалары көчәя.

Мультимедиа һәм интерактив контент подкаст, видео, сораштыру, тест, инфографика, туры эфир форматын үз эченә ала.

2013 елда басма РСПП эшлекле журналистикасының Бөтенроссия конкурсында «Иң яхшы төбәк басмасы» номинациясендә җиңүче була, 2015 елда – «СМИротворец» конкурсында «Интернет» номинациясендә милләтара хезмәттәшлекне яктырту өчен икенче урынны ала.