Баскет-холл

2002 елда файдалануга тапшырыла.

Баскет-холл – арасында үтеп йөрү юлы булган ике бина комплексын (гомуми мәйданы 25932 м²), төп уен спорт залын (19373 м² мәйданлы, 7500 урынлы төп бина), үтеп йөрү юлы булган тренировка спорт залын (6539 м² мәйданлы 1500 урынлы), 8 чишенү бүлмәсе, судьялар өчен 4, артистлар өчен 4, грим салу өчен 2 бүлмә, душ кабиналары, сауна, туалетлар, тренажёр залы, медицина-тернәкләндерү үзәге, бильярд уйнау, матбугат-конференцияләре уздыру өчен заллар, теле-радиокомментаторлар кабиналары, фитобар, буфет, персональ 19 ложаны үз эченә ала.

Баскет-холл – Татарстанда һәм Россиядә спорт үсешенә булышлык итүче иң кирәкле спорт корылмаларының берсе.

Баскет-холл – «УНИКС», «УНИКС-2» (баскетбол), «Динамо-Таттрансгаз», «Казаночка» (волейбол), «КАИ-Зилант» (гандбол) команда-мастерларның уку-тренировка һәм ярышлар уздыру базасы.

Баскет-холл чит ил субподрядчылары катнашында “Татинвестгражданпроект” институты тарафыннан проектлаштырыла (архитекторлар Е.И.Прокофьев, В.П.Логинов). Төркиянең “Одак” фирмасы төзи. Төзелешкә Татарстан Президенты һәм ТР Хөкүмәте ярдәм итә.

2005 елның июнендә Баскет-холл спорт өлкәсендә Россиянең иң югары бүләгенә лаек була – ул ГРОСС илкүләм премиясенең “Россиянең иң яхшы спорт комплексы” номинациясендә беренче урынны ала.