Татарстан Республикасында бәйрәм көннәре

Закон белән билгеләнә, күренекле вакыйгаларга, традицион даталарга, билгеле бер һөнәр тармагын һәм анда эшләүчеләрне ихтирам итүгә һ.б. га багышлана.

ТРның 1992 ел 19 февраль һәм 2003 ел 3 сентябрь Законы нигезендә билгеләнгән ял көннәре:

• 30 август — ТР көне (Республика көне);
• 6 ноябрь — ТР Конституциясе көне;
• Ураза һәм Корбан бәйрәмнәре;
• Сабан туе татар халык бәйрәме һәм «Каравон» рус фольклор бәйрәме билгеләп үтелә (аларны үткәрү вакыты ел саен ТР Президенты Указы белән билгеләнә),
• 1–5 гыйнвар — Яңа ел бәйрәме;
• 7 гыйнвар — Гайсә туган көн;
• 23 февраль — Ватанны саклаучылар көне;
• 8 март — Халыкара хатын-кызлар көне;
• 1 Май — Яз һәм хезмәт бәйрәме;
• 9 май — Бөек Ватан сугышында Җиңү бәйрәме;
• 12 июнь — Россия бәйсезлеге көне;
• 4 ноябрь — Халык бердәмлеге көне.