8 төре билгеле, Евразиядә таралган.

ТР территориясендә бер төре – күпьеллык зибык уты (M. perennis) сирәк кенә барлык районнарда да очрый. Катнаш һәм ылыслы киң яфраклы урманнарда үсә.

20-30 см биеклектәге күпьеллык үсемлек. Тамырчасы озын, шуышма. Сабагы туры, түгәрәк, аскы өлеше яфраксыз. Яфраклары сабаклы, ланцетсыман киң, сабак очында каршыдаш урнашканнар. Чәчәкләре бер җенесле, вак, яшькелт, башаксыман чәчәк төркемендә. Җимеше – каты төкчәле яньчелгән шарсыман тартмачык. Апрель-майда чәчәк ата. Җимешләре май-июньдә өлгерә. Орлыктан һәм вегетатив рәвештә (тамырчаның җәелүе) үрчи.

Агулы үсемлек.

Халык медицинасында яфраклары эч йомшарту һәм бәвел кудыру чарасы буларак файдаланыла.

Татарлар турында

Бохараев Равил Рәис улы
Казан татарлары
Милли аш-су
Әмирхан Фатих