120 гә якын төре билгеле, бөтен Евразиядә диярлек таралган. ТР территориясендә 3 төре билгеле. Саз кишере (саз акбашы, сазлык чыршы уты) (P. palustre) барлык районнарда очрый, сазлыклы болыннарда, торфлыкларда үсә. Тау кишере (P.oreoselinum) – Идел алдында, Любименко саз кишере (P. lubimencoanum) – күбесенчә Кама аръягында; нарат һәм имән урманнарында, көньяк ялангач сөзәклекләрдә үсә.  ́

30–125 см биеклектәге үсемлек. Сабагы кырлы-буразналы. Яфраклары икешәр, өчәр каурыйсыман. Чәчәкләре ак, сары яки яшькелт-сары, чатырда урнашкан. Җимеше – ике орлыкча. Июнь–августта чәчәк ата.

Тау кишеренең җир өсте өлешендә флавоноидлар, эфир майлары бар, халык медицинасында үт кудыру, тонусны күтәрү чарасы буларак кулланыла.

ТРның Кызыл китабына кертелгән.

Кызык бит!

Кече Карагуҗа
Видеогалерея
Кәбирова Айсылу Шәрипҗан кызы
Лихачёв Пётр Тимофеевич