Якынча 100 төре билгеле. Төньяк ярымшарның уртача поясында таралган. ТР территориясендә 3 төре бар: сары чәчәкле каз юасы (G. lutea), вак каз юасы (G. minima) барлык районнарда да очрый, суганчалы каз юасы (G. granulosa) – югала баручы төр. Яфраклы урман буйларында, куаклар арасында үсәләр.

5–20 см биеклектәге үсемлекләр. Сабагы, нигездә, киң ланцетсыман, тамыр яны бер яссы яфраклы. Чәчәкләре саргылт, шарсыман яки чатырсыман чәчәк төркемендә. Җимеше – өч оялы тартмачык. Апрель–майда чәчәк аталар. Вак каз юасы яшь суганчалары хисабына күп үрчи.

Казлар яратып ашый (исеме шуннан).

Иртә язгы эфемероидлар, җәен җир өсте органнары корый.

Татарлар турында

Бохараев Равил Рәис улы
Милли аш-су
Халык музыкасы
Әмирхан Фатих