- РУС
- ТАТ
(Steris), канәферчәләр семьялыгыннан күпьеллык үләнчел үсемлекләр ыругы
5 төре билгеле, Төньяк ярымшарның салкын һәм уртача поясларында таралганнар.
Татарстан территориясендә бер төре – гади чыпчык җилеме (S. viscaria) бар. Барлык районнарда очрый. Коры болыннарда, тау битләрендә, аланнарда, нарат урманнары буенда үсә.
40-80 см биеклектәге үсемлек. Сабаклары туры, буынлы, чиясыман көрән төстә, ябышкак (исеме шуннан). Яфраклары каршыдаш, тар, ланцетсыман. Чәчәкләре алсу төстә, чуксыман себеркәч чәчәк төркеменә җыйналган. Җимеше – вак тартмачык. Май-июньдә чәчәк ата. Җимешләре июль-августта өлгерә. Орлыктан үрчи.
Үсемлектә флавоноид, сапонин, углеводлар бар.
Халык медицинасында үлән төнәтмәсе үт кудыру, кан туктату, какырык куптару, тире авырулары вакытында тәнгә сөртү чарасы буларак кулланыла.
Декоратив, баллы үсемлек.
Вы используете устаревшую версию браузера.
Для корректного отображения сайта обновите браузер.