Түгәрәк күл

Идел елгасының югары террасасында, Лаеш районы Столбище авылыннан 1 км көньяк-көнчыгыштарак, Кече Куян күле янында.

Су өслегенең мәйданы 1,06 га. Су күләме 27,5 мең м³. Озынлыгы 130 м, иң зур киңлеге 50 м. Уртача тирәнлеге 2,6 м, иң зур тирәнлеге 5,5 м. 

Күл карст процессы нәтиҗәсендә барлыкка килгән. Формасы озынча түгәрәк.

Атмосфера явым-төшемнәре һәм грунт сулары исәбенә туена.

Түгәрәк күлнең көньяк-көнбатыш ярына сыза тоташа, аның аша сулыкка яңгыр һәм кар сулары белән бергә ком, балчык, ләм керә. Күл әкренләп ләмләнә бара.