Кече Аккош күле

Аккош күлләре системасына керә. Казан–Яшел Үзән автомобиль юлына якын, Казанның Киров районы территориясендәге «Аккош күлләре» урман паркында.

Суының биеклеге сезонлап бик нык үзгәрә (мәсәлән, 1991 елның көз аенда күл мәйданы 5 тапкыр кими, күләме язгы ташу белән чагыштырганда 22 тапкыр кечерәя).

Су иң аз вакыттагы өслек мәйданы 3 га, күләме 27 мең м³, озынлыгы 360 м, иң зур киңлеге 140 м, уртача тирәнлеге 1 м тирәсе, иң зур тирәнлеге 3,9 м.

Күлнең барлыкка килүе эрозия – карст-суффозия күренеше белән бәйле. Өчпочмак рәвешендә, катлаулы формада. Ярлары сөзән, наратлыклар белән капланган.

1990 еллар ахырында күлне төзекләндерү эшләре башкарыла.

Ял итү урыны.