Вилькиев Җәүдәт Вәли улы

1927 елның 16 мае, Сталинград шәһәре – 2007 елның 9 ноябре, Казан.

Әстерхан педагогия институтын тәмамлаганнан соң (1950), 1950–1961 елларда Әстерхан, Татарстан укытучылар белемен күтәрү институтларында эшли.

1964 елдан Казан педагогия институтының педагогика кафедрасында (хәзерге Татар гуманитар-педагогия университеты), 1968 елдан, бер үк вакытта, институтның дидактика лабораториясе мөдире, 1983 елдан психология кафедрасында, кафедрасы мөдире (1983–1988).

Хезмәтләре логика һәм мәктәптә фәнни танып-белү алымнары проблемаларына; укучыларның фәнни фикерләү нигезләре формалашуга, педагогларның психологик әзерлеге мәсьәләләренә карый.

Педагогия фәннәре академиясеның К.Д.Ушинский медале белән бүләкләнә (1987).

Применение гипотезы в познавательной деятельности школьников. Казань, 1974.

Методы научного познания в школьном обучении. Казань, 1975.

Формирование педагогического мышления у студентов. Казань, 1992.

Педагогическая психология. Казань, 2002.