Рәхимкулова Мәдинә Фәтхи кызы

1916 елның 30 июне, Уфа губернасы Олы Каргалы авылы – 2004 елның 15 феврале, Санкт-Петербург шәһәре

Казан университетында укый, Оренбург педагогика институтын тәмамлый (1942 ел).

1929–1932 елларда Дәүләкән элеваторында (БАССР) төрле эшләр башкара, бер үк вакытта җидееллык фабрика-завод мәктәбендә укый.

1932–1936 елларда Кыргызстан АССРда башлангыч мәктәп мөдире.

1936–1938 елларда «Үзтранс» автобазасында эшли, бер үк вакытта Сәмәрканд рабфагында укый. 1943–1953 елларда Оренбург шәһәре һәм Оренбург өлкәсе мәктәпләрендә, 1953–1971 елларда Оренбург авыл хуҗалыгы институтында укыта.

Хезмәтләре татар, башкорт мәгарифе һәм мәдәнияте тарихына карый.

СССР География җәмгыяте әгъзасы (1952 елдан).

Медресе «Хусаиния» в Оренбурге. Оренбург, 1997.

Преподавание естественных наук в татарских школах дореволюционной России. Оренбург, 1998.

Автор – М.А.Сәйдәшева