Зейлигер Дмитрий Николаевич

1864 елның 12 апреле, Тирасполь шәһәре – 1936 елның 25 июне, Ростов-Дон шәһәре.

1887 елда Новороссийск университетын тәмамлый.

1892–1914, 1917–1929 елларда Казан университетында эшли, механика (1897–1914 еллар) һәм теоретик механика (1927–1929 еллар) кафедралары мөдире, бер үк вакытта Казан политехник институты ректоры (1919–1925 еллар).

Санкт-Петербург (1914–1917 еллар), Донецк (1929–1932 еллар), Новочеркасск (1932–1935 еллар) һәм Ростов-Дон (1935 ел) шәһәрләре институтларында укыта.

1907–1914 һәм 1919–1929 елда Казан университеты каршындагы Физика-математика җәмгыяте рәисе.

Хезмәтләре охшаш үзгәрүчән җисемнәр механикасына, геометриядә һәм механикада винтча хисаплауны куллануга карый.

Д.Н. Зейлигер охшаш үзгәрүчән җисемнәрнең, ягъни шундый ук сыгылмалы, рәвеше үзгәргәннән соң да баштагы рәвешенә охшаш җисемнәрнең статикасын, кинетикасын һәм динамикасын төзи.

Сызыкчалы геометриядә үзе төзегән винтча хисаплау алымнары буенча А.П.Котельников идеяләрен үстерә.

Шәкертләре – Н.Г.Четаев, И.Г.Малкин, Б.А.Фукс.

Теория движения подобно изменяемого тела // Ученые записки Казанского университета. 1892. № 4-6;

Об одном способе получения общих интегралов некоторых систем дифференциальных уравнений // Ученые записки Казанского университета. 1897. № 1;

Комплексная линейчатая геометрия. Москва-Ленинград, 1934.