Модальлек

Модальлек раслау, боеру, теләк, шарт, чынлык, кирәклек, тиешлек һ.б. мәгънәләргә ия.

Татар телендә модальлек:

• наклонение формалары (затланышлы фигыльләр) (Идел буйларына тагын / Әйләнеп кайтсам иде, / Ал чәчәкләр арасында / Бер җырлап ятсам иде. Ф.Кәрим);
• аерым интонация яисә пауза (Син... кайттың?);
• модаль сүзләр (Сабан туена, тәгаен, кайтырбыз. Г.Бәширов);
• кисәкчәләр (Эх, матур ла матур бу дөнья. Х.Туфан);
• модаль мәгънәле аналитик фигыль формалары (Безгә икенче юлдан барасы булган) һ.б. белән белдерелә.

Зәкиев М.З. Татар грамматикасы. Синтаксис. М.-К., 1999. 3 т.;

Татар грамматикасы. Морфология. М.-К., 2002. 2 т.;

Хисамова Ф.М. Татар теле морфологиясе. К., 2006;

Языкознание: Большой энцикл. словарь. М., 1998.