Яңа Пәлчикәү

Авылга Столыпин аграр реформасын гамәлгә ашыру барышында 1911−1912 елларда Нератовка һәм Иске Пәлчикәү авылы кешеләре нигез сала. Революциягә кадәрге чыганакларда Пальчиково-Нератовский хуторы буларак мәгълүм. Бу чорда халкының төп шөгыле – игенчелек һәм терлекчелек, умартачылык, вак һөнәрчелек кәсепчелеге таралган була.

XX йөз башында авыл җәмәгатенең имана җире 98 дисәтинә тәшкил итә.

1920 елга кадәр авылУфа губернасының Минзәлә өязе Зәй волостенда керә. 1920 елдан ТАССРның – Минзәлә, 1922 елдан Чаллы кантонында. 1930 елның 10 августыннан – Ширәмәт, 1935 елның 10 февраленнән – Зәй, 1963 елның 1 февраленнән – Әлмәт, 1972 елның 1 ноябреннән Зәй районында.

Хәзер Поручик авыл җирлеге составына керә.

Күмәкләштерү елларында авылда “Планета” колхозы оештырыла. 1950 елдан зурайтылган “Красный кустарь” (Нератовка авылы), 1959 елдан – “Родина” колхозлары (Чыбыклы авылы), 1973 елдан район эре мөгезле терлек симертү хуҗалыкара берләшмәсе составында (Зәй шәһәре).

1913 елда – 106,
1920 елда – 108,
1926 елда – 193,
1938 елда – 153,
1949 елда – 132,
1958 елда – 101,
1970 елда – 48,
1979 елда – 33,
1989 һәм 2002 елларда – 4 (чуашлар),
2010 елда – 8,
2017 елда – 9 кеше (руслар).