Дачный

1973 елда торак пункт статусы ала. Нигезләнгән вакытыннан Биектау районына керә.

Хәзер Дачный авыл җирлеге үзәге.

Совет хакимиятенең беренче елларында поселок территориясендә “Шушар” нәселле терлек үрчетү хуҗалыгы, соңрак – Татарстан өлкә терлекчелек тәҗрибә станциясе булдырыла. 1945 елда Игенчелек халык комиссариатының 145 нче боерыгы белән нәселле терлек үрчетү хуҗалыгы җирлегендә Казан ветеринария институтының укыту-тәҗрибә хуҗалыгы оештырыла (2006 елга кадәр).

Халкының төп шөгыльләре – кырчылык һәм терлекчелек.

Поселокта урта мәктәп (1986 елдан), “Березка” балалар бакчасы (1966 елдан), мәдәният йорты (1969 елдан, 2018 елда яңа бина төзелә), китапханә (1969 елдан), фельдшер-акушерлык пункты, кәшәнә (зиратта, 2014 елдан) эшли.

Поселок янында археология истәлеге – бронза гасырның соңгы чоры әйберләре табыла.

1989 елда – 639,
2002 елда – 657,
2010 елда – 670,
2017 елда – 666 кеше (руслар – 61%, татарлар – 34%).