Кызылъяр

1920 елларда нигез салына.

Оештырылган вакытыннан ТАССРның Зөя кантонына керә. 1927 елның 14 февраленнән – Тәмте, 1931 елның 20 октябреннән – Югары Ослан, 1935 елның 10 февраленнән – Тәмте, 1958 елның 16 июленнән – Югары Ослан, 1963 елның 1 февраленнән – Зеленодольск, 1965 елның 12 гыйнварыннан Югары Ослан районында.

Хәзер Ямбулат авыл җирлеге составына керә.

Күмәкләштерү елларында авылда Пушкин исемендәге колхоз оештырыла, 1949 елдан – авыл Сталин исемендәге (Ямбулат авылы), 1957 елдан – “Приволжский” совхозы (Мәйдан авылы), 1964 елдан “Заря” совхозы (Ямбулат авылы) составында. 2000–2011 елларда “Татплодоовощпром” (Крестниково авылы) концернының “Заря” филиалы составына керә.

Авыл тирәсендә археология истәлеге – Кызылъяр торулыгы (бронза гасырның Казан яны культурасы) табыла.

1926 елда – 112,
1938 елда – 117,
1949 елда – 83,
1958 елда – 102,
1970 елда – 122,
1979 елда – 94,
1989 елда – 49,
2002 елда – 24,
2010 елда – 8,
2017 елда – 6 кеше (руслар, чуашлар).