Левашёво

XVIII йөз башында нигезләнә. Реолюциягә кадәрге чыганакларда Архангельское буларак та искә алына.

1861 елгы реформага кадәр халкы алпавыт крестьяннары катлавына керә. Бу чорда халкының төп шөгыльләре – игенчелек һәм терлекчелек, шулай ук чабата үрү тарала.

1870 елгы мәгълүматлар буенча, авылда чиркәү, җил тегермәне була. XX йөз башында авыл җәмәгатенең имана җире 186,8 дисәтинә тәшкил итә.

1920 елга кадәр авыл Уфа губернасының Минзәлә өязе Бишенде-Останково волостена керә. 1920 елдан – ТАССРның Минзәлә, 1922 елдан – Чаллы кантонында. 1930 елның 10 августыннан – Чаллы, 1935 елның 10 февраленнән – Ворошилов, 1957 елның 29 ноябреннән – Яңа Юл, 1959 елның 12 октябреннән – Минзәлә, 1984 елның 4 июненнән – Тукай районында.

Хәзер – Иске Абдул авыл җирлегендә.

1931 елда «Красное Пламя» колхозы оештырыла. 1953 елдан авылда – Фрунзе исемендәге колхоз (үзәк утары – Иске Абдул авылы), 1963 елдан – «Алга» колхозы (үзәк утары – Иске Абдул авылы), 1996 елдан – шул ук исемдәге авыл хуҗалыгы җитештерү кооперативы, 2006 елдан «Сәйдәшев исемендәге авыл хуҗалыгы предприятиесе» җаваплылыгы чикләнгән җәмгыяте эшли.

1870 елда – 398,
1913 елда – 266,
1920 елда – 283,
1926 елда – 216,
1938 елда – 272,
1949 елда – 288,
1958 елда – 212,
1970 елда – 108,
1979 елда – 51,
1989 елда – 18,
2002 елда – 12,
2010 елда – 9,
2020 елда – 14 кеше (руслар).