Чуаш Тайбасы

XVII йөзнең икенче яртысында нигезләнә. Революциягә кадәрге чыганакларда Таяба-Таушева, Чувашская Тайба буларак искә алына.

1720 еллардан халкы дәүләт крестьяннары катлавына керә, 1835–1860 елларда Удел ведомствосы карамагында була. Бу чорда халкының төп шөгыльләре – игенчелек һәм терлекчелек.

Кошки-Яңа Тимбай авылының Архангел Михаил чиркәве приходына карый.

XX йөз башында 2 сәүдә-сәнәгать оешмасы эшли. Авыл җәмәгатенең имана җире 428,7 дисәтинә тәшкил итә.

1920 елга кадәр авыл Сембер губернасының Сембер өязе Олы Тархан волостена керә. 1920 елдан – ТАССРның Буа кантонында. 1930 елның 10 августыннан – Тәтеш, 1938 елның 4 августыннан – Олы Тархан, 1959 елның 12 октябреннән – Тәтеш районында.

Хәзер – Кошки-Яңа Тимбай авыл җирлегендә.

1929 елда «Серп и молот» колхозы оештырыла. 1951 елда хуҗалыкның исеме – Ленин исемендәге (үзәк утары – Яңа Льяшево Пүчинкәсе авылы), 1963 елда – Крупская исемендәге колхоз итеп үзгәртелә. 1967 елдан авылда – Ленин исемендәге колхоз (үзәк утары – Чуаш Чурапаны авылы; 1979 елда колхозның үзәк утары – Кошки-Яңа Тимбай авылына, 1990 елда Яңа Льяшево Пүчинкәсе авылына күчерелә), 1995–2006 елларда Ленин исемендәге авыл хуҗалыгы җитештерү кооперативы эшли.

Халкы башлыча «Агро-союз» җаваплылыгы чикләнгән җәмгыятендә авыл хуҗалыгы белән шөгыльләнә.

Авылда фельдшер-акушерлык пункты бар.

М.Ф.Акимов (1884–1914) – публицист, прозаик, драматург, тәрҗемәче;

С.М.Ислюков (1915–1998) – дәүләт, партия һәм җәмәгать, юридик фәннәр кандидаты, Ленин, Октябрь Революциясе, өч Хезмәт Кызыл Байрагы, «Почет билгесе» орденнары лауреаты;

В.П.Софронов (1932–2000) – хакимият-хуҗалык хезмәткәре, ТАССРның, РСФСРның атказанган агрономы, Хезмәт Кызыл Байрагы, «Почет билгесе» орденнары кавалеры.

1721 елда – 143 ир-ат;
1859 елда – 185,
1897 елда – 230,
1913 елда – 397,
1920 елда – 425,
1926 елда – 325,
1938 елда – 389,
1949 елда – 314,
1958 елда – 321,
1970 елда – 281,
1979 елда – 147,
1989 елда – 171,
2002 елда – 116,
2010 елда –100,
2021 елда – 62 кеше (чувашлар, руслар).